Filmdə ikinci Qarabağ müharibəsi zamanı oğlu şəhid olmuş ailənin, bu hadisədən sonra düşdüyü psixoloji vəziyyət göstərilmişdir. Ata oğlunu hərbi xidmətə sevinc və qürur hissi ilə yola salır. Ailə günlərini oğullarından bir xəbər almaq ümidi ilə keçirirlər. Bir gün isə onlar yeganə övladının şəhidlik pilləsinə yüksəldiyi xəbərini alırlar. Ana yasını yaşayıb hisslərini biruzə verə bilsə də, ata tam tərsi bu xəbərin qarşısında qəribə davranışlar sərgiləyir. O,sanki ətraf mühitdən uzaqlaşıb öz daxili aləmi ilə baş-başa qalır və daxili aləmində özü ilə mübarizə aparır.
