Bir-birindən maraqlı xarakterlərin yer aldığı və komik səhnələrlə zəngin “Məlikməmməd və Ziba” fiminin əsas sujet xətti Bakının bir məhəlləsində yaşayan Məlikməmməd adlı gəncin başına gələn hadisələrdən ibarətdir. Klassik nağıl qəhrəmanı Məlikməmməddən fərqli olaraq bu filmin qəhrəmanı Məlikmməməd heç bir işdə uğur qazanmayan, otel müdirinə borclu olan və milyonçu olmağın yolunu axtaran bir obrazdır.Məlikməmməd milyonçu olmaq eşqiylə Hüsnü Camalın “Necə milyonçu olmaq olar” kitabını oxuyaraq başqa dünyaya düşür. Həmin mifik dünyadan geri qayıtmağın yolunu axtararkən isə o Ziba ilə tanış olur. Otel müdiri Abuzər müəllim, Məlikməmmədin yaxşı futbolçu olduğunu zənn edən iş adamı Teymur müəllim, həmçinin Məlikməmmədin dərdindən dəli divanə olan Gülüş film ərzində baş verən hadisələrin əsas iştirakçılarıdır.
